सिन्धुपाल्चोक– सिन्धुपाल्चोकको भोटेकोशी गाउँपालिका–४ मा निर्माणाधीन ४० मेगावाटको भोटेकोशी पहिलो जलविद्युत् आयोजनाको ढलान (डिसेन्डर कभर स्ल्याब) खस्दा बेपत्ता भएका दुई मजदुरको शव भेटिएको छ ।
हिजो बेपत्ता भएका बर्दिया नगरपालिका रामजिन थारु र सुमन थारुको शव फेला परेको प्रहरीले जनाएको छ ।
हिजो दिउँसो ढलान खस्दा १० जना पुरिएकोमा ८ जनाको उद्धार गरिएको थियो । उद्धार गरिएका घाइतेको धुलिखेल अस्पतामा उपचार भइरहेको छ ।
इलाका प्रहरी कार्यालय बाह्रबिसेका प्रहरी निरीक्षक देवेन्द्रराज जोशीका अनुसार मृतकको शव पोस्टमार्टमका लागि धुलिखेल अस्पताल पठाइएको छ ।
प्रकाशित मिति: शनिबार, असार २२, २०८१ १०:०७
प्रतिक्रिया दिनुहोस्
