ईस्वर दुलाल

काठमाण्डाैँ। बेलायतमा छायांकन गरिएको नन्दु गुरूङ र तारा श्रीसमगरको आवाजमा रहेकाे ‘नाकैको फुली’ हालै सार्वजनिक भएको छ । नेपाली गीत-संगीतमा आफ्नै पहिचान बनाइसकेका गुरूङले यो नयाँ गीतमार्फत दर्शक र श्रोताको मन जित्न सफल हुनेछन् ।

यो गीतको मुख्य आकर्षण भनेकै यसको छायांकन बेलायतका विभिन्न रमणीय स्थलहरूमा गरिएको हो, जसले भिडियोमा अतिरिक्त सौन्दर्य थपेको छ । गीतको भिडियोमा बेलायतका हरियाली पार्कहरू, पुराना भवनहरू, र मनमोहक वातावरणलाई समावेश गरिएको छ। यसले दर्शकलाई गीतको भावनामा थप डुबाउन मद्दत पुर्‍याएको छ।

नन्दु गुरूङको आवाजले गीतलाई उत्कृष्ट बनाएको छ भने, भिडियोको निर्देशनले पनि गीतलाई अझै उत्कृष्ट बनाएको छ । गीतको बोल "नाकैको फुली" धेरै नेपाली दर्शक श्राेताहरूलाई आकर्षित गर्ने किसिमको छ । यसले नेपाली संस्कृतिमा रहेको गहनाको सौन्दर्य र महत्त्वलाई चित्रण गर्छ । गीतको लय र संगीत सरल, मीठो, र मनमोहक रहेको छ, जसले गर्दा गीत छिट्टै श्रोताको मनमा बस्न सक्छ । भिडियोमा प्रस्तुत गरिएका दृश्यहरूले गीतको भावलाई थप प्रबल बनाएको छ । गुरूङको आवजमा रहेकाे साे गीतले नेपाली म्युजिक भिडियो क्षेत्रलाई अन्तर्राष्ट्रिय स्तरमा पनि उकास्न सफल भएको छ ।

बेलायतमा छायांकन गरिएका दृश्यहरूले नेपाली म्युजिक भिडियोहरूको स्तर वृद्धि गरेको छ । उनको यस नयाँ प्रयासले दर्शक र श्रोताबाट अत्यन्तै सकारात्मक प्रतिक्रिया प्राप्त गरिरहेको छ । गीतको भिडियो विभिन्न सामाजिक संजाल र मिडिया प्लेटफर्महरूमा भाइरल भइरहेको छ । भिडियाेकाे सुन्दर छायांकन, मीठो संगीत, र उत्कृष्ट निर्देशनले गर्दा यो गीतले सबैको मन जित्न सफल हुनेमा गायक गुरूङ विस्वस्त छन् ।

आर एन्ड ए इन्टरटेनमेन्ट युट्युब च्यानलबाट शनिबार सार्वजनिक गरिएकाे म्युजिक भिडियाेमा नन्दु गुरुङ र तारा श्रीसमगरको आवाज रहेको छ । गीतलाई रामप्रसाद गुरुङले लेखेका हुन् भने, संगीत गायक नन्दु कै रहेको छ । कोरस टिका मगर, सोनुहाङ लिम्बू, विष्णु राई र पवित्र गुरुङको रहेको छ ।  निर्माता अरुणा गुरुङ, निर्माता/कोरियोग्राफर प्रभु गुरुङ, एरेन्ज राजु कार्कीले गरेका छन् । बेलायतमा खिचिएको भिडियोमा शिवदास र लक्ष्मीले सुन्दर अभिनय प्रस्तुत गरेका छन् ।  

भिडियोः