काठमाडौँ - त्रिशूलीमा बेपत्ता भएका दुई वटा डिलक्स बसका यात्रुमध्ये २४ जनाको शव भेटाएको छ । तीमध्ये दुई जनाको शव भारतस्थित पश्चिम चम्पारणमा भेटिएको छ ।
भारतीय सीमा सुरक्षा बलसँग समन्वय गरेर दुई जना पुरुषको शव नेपाल तर्फ ल्याएको सशस्त्र प्रहरी बलले जनाएको छ।
असार २८ मा चितवनको भरतपुर महानगरपालिका-२९ स्थित सिमलतालबाट काठमाडौँबाट गौर जाँदै गरेको बागमती प्रदेश–०३-००१ ख २४९५ नम्बरको गणपति डिलक्स र वीरगन्जबाट काठमाडौँतर्फ आउँदै गरेको बागमती प्रदेश-०३-००६ ख १५१६ नम्बरको एन्जल डिलक्स त्रिशूलीमा खसेका हुन् ।
सशस्त्र प्रहरीका अनुसार ९ जनाको सनाखत हुन सकेको छैन । ७ जना पुरुष र दुई जना महिलाको शव सनाखत गर्ने प्रयास भइरहेको छ।
ऋषिपाल शाह (भारत), विकाश परियार (चितवन, रमितकुमार माझी (सर्लाही), जयप्रकाश ठाकुर (भारत), सजाद अन्सारी (भारत), सुदिप बिक (चितवन), प्रमानन्द पण्डित (बारा), किशोरकुमार चौधरी (गणपति डिलक्सको चालक), अशोककुमार यादव (रौतहट), ऋषिकुमार सिंह (रौतहट), । विवेक कुमार (भारत), जितेन्द्रराम महरा (सर्लाही), चन्द्रप्रभा कुमारी (पर्सा), अमृता कुमारी (रौतहट), तुल्सी दास (रौतहट मुनामाई गाउँपालिका-५) के सनाखत भएको छ ।
