काठमाडौँ– संघीय संसदको प्रतिनिधिसभा अन्तर्गत कृषि, सहकारी तथा प्राकृतिक स्रोत समितिको बैठक आज बस्दैछ ।
बैठक अपराह्न साढे ४ बजे समितिको बैठक कक्ष सिंहदरबारमा बस्नेछ । आजको बैठकमा समितिको सभापतिको निर्वाचनको कार्यक्रम रहेको छ ।
सभापतिमा नेपाली कांग्रेसकी सांसद कुसुम थापामगरले उम्मेदवारी दर्ता गरेकी lछन् । उनले सोमबार कांग्रेस सांसद वीरबहादुर बलायरको प्रस्ताव र एमाले सांसद सूर्य ढकालको समर्थनमा उम्मेदवारी दर्ता गराएकी हुन् । रुकुम पूर्वकी थापामगर कांग्रेसबाट समानुपातिक सांसद हुन् ।
यसअघि समितिको सभापति रहेकी डा आरजु राणा देउवा परराष्ट्रमन्त्री बनेपछि नयाँ सभापति चयन गर्न लागिएको हो ।
प्रकाशित मिति: मंगलबार, साउन १५, २०८१ ०८:२५
प्रतिक्रिया दिनुहोस्
