काठमाडौं– प्रधानमन्त्री केपी शर्मा ओलीले तीन राज्यमन्त्री नियुक्त गर्दै मन्त्रिपरिषदलाई पूर्णता दिएका छन्।
सत्ता साझेदार नेपाली कांग्रेसका दुई जना र समर्थन गरेको नागरिक उन्मुक्ति पार्टी (नाउपा)का एक गरी तीन राज्यमन्त्री नियुक्त गरिएको छ।
कांग्रेसबाट रुपा विक र पूर्णबहादुर तामाङ राज्यमन्त्री नियुक्त भए भने नाउपाबाट अरुण चौधरीलाई बनाइएको छ।
चौधरीलाई संस्कृति पर्यटन तथा नागरिक उड्डयन, विकलाई वन तथा वातावरण र तामाङलाई ऊर्जा जलश्रोत तथा सिँचाइ राज्यमन्त्री बनाइएको छ।
योसँगै अब २२ सदस्यीय मन्त्रिपरिषद २५ सदस्यीय बनेको छ। संविधानअनुसार मन्त्रिपरिषदमा २५ जना सदस्यभन्दा धेरै बनाउन पाइँदैन।
प्रकाशित मिति: शुक्रबार, साउन १८, २०८१ १३:३६
प्रतिक्रिया दिनुहोस्
