एजेन्सी– इजरायलले गरेको ड्रोन हमलामा गाजापट्टीस्थित हमासका थप एक नेतासहित पाँच जनाको ज्यान गएको छ ।

प्यालेस्टाइनको चिकित्सा विभागले वेस्ट बैंकको एक इलाकामा इजरायलले गरेको ड्रोन आक्रमणबाट ती मानिसहरूको ज्यान गएको जानकारी दिएको हो ।

इजरायली सेनाले सो ड्रोन हमलाको लक्ष्य तुलकरम शहर नजिक रहेको उग्रवादीहरूको एक अखडा रहेको जनाएको छ । सवारीसाधन चढेर इजरायलमाथि आक्रमण गर्न अघि बढिरहेका पाँच बन्दुकधारीहरूलाई निशाना बनाएको उसले दाबी गरेको छ ।

प्यालेस्टाइनी मिडियाहरूका अनुसार इजरायली हमलामा मारिएका हमास नेताको नाम हैथम बलिदी हो । उनी हमासका सैन्य शाखा इज्ज-ए-दीन अल-कस्साम ब्रिगेडका स्थानीय कमाण्डर थिए ।