काठमाडौं– आरक्षणसम्बन्धी विषयलाई लिएर केही समयदेखि बंगलादेशमा चलिरहेको आन्दोलन र प्रदर्शन उग्र भएको छ। आइतबार मात्र ९० जनाको ज्यान जानेगरी भएको प्रदर्शन उग्र बनेपछि त्यहाँको सेना सडकमा आएको छ।
प्रदर्शनकारी प्रधानमन्त्री शेख हसिनाको निवासमा सोमबार स्थानीय समयअनुसार ३ बजे छिरेको त्यहाँको अखबर द डेली स्टारले जनाएको छ।
एएफपीका अनुसार प्रधानमन्त्री हसिना सुरक्षित स्थानमा भागेकी छन्। बंगलादेशी सेना प्रमुखले सम्बोधनको तयारी गरेका छन्। सम्भवतः सेनाले बंगलादेशी सरकारको बागडोरको जिम्मा लिने अन्तिम तयारी भएको छ भने हसिनाले प्रधानमन्त्री पदबाट राजीनामा दिने बताइन्छ।
प्रकाशित मिति: सोमबार, साउन २१, २०८१ १५:१३
प्रतिक्रिया दिनुहोस्
