काठमाडौं- एएफसी च्यालेन्ज कपमा चर्च ब्वाइज युनाइटेडको यात्रा प्रारम्भिक छनोटमै टुंगिएको छ। त्रिपुरेश्वरस्थित हिलाम्मे दशरथ रंगशालामा बुधबार साँझ भएको खेलमा भुटानको पारो एफसीले चर्च ब्वाइजालई २-१ गोल स्तब्ध बनाएको हो ।
पारोलाई अघिल्लो चरण पठाउने क्रममा किङ्गा वाङ्चुक र विलियम ओपकुले गोल गरे। पराजित चर्च ब्वाइजका लागि लाकेन लिम्बूले एक गोल गरे ।
यद्यपित खेलको ३९औँ मिनेटमा लाकेन लिम्बूले चर्च ब्वाइजलाई अग्रता दिलाएका थिए । मोसेस टुमको पासमा लिम्बूले गोललाई जाली चुमाए । तर त्यसको १ मिनेटमै किङ्गा वाङ्चुङले पारोका लागि गोल गर्दै खेललाई बराबरीमा ल्याए।
पहिलो हाफ बराबरी भएको अवस्थामा खेलको ६७ औँ मिनेटमा ओपकुले पारोलाई २-१ को अग्रता दिलाए । यससँगै घरेलु मैदानमा पराजित हुँदै चर्च ब्वाइज प्रारम्भिक छनोटमै आफ्नो यात्रा टुंग्याउन बाध्य भएको छ ।
प्रकाशित मिति: मंगलबार, साउन २९, २०८१ २०:३६
प्रतिक्रिया दिनुहोस्
