काठमाडौं– दाङका स्थानीय तहका जनप्रतिनिधि एवं निजी क्षेत्रका प्रतिनिधिले तुलसीपुरको टरीगाउँ विमानस्थल स्तरोन्नतिका लागि आज प्रधानमन्त्री केपी शर्मा ओलीको ध्यानाकर्षण गराएका छन् ।
नेकपा (एमाले) का महासचिव शंकर पोखरेल, संघीय सांसदहरू दिपक गिरी र मेनका पोखरेलको नेतृत्वमा प्रधानमन्त्री निवास बालुवाटार पुगेको प्रतिनिधिमण्डलले टरीगाउँ विमानस्थलको स्तरोन्नतिका साथै लमही(घोराही(तुल्सीपुर चारलेन सडक निर्माण लगाएतका विषयमा प्रधानमन्त्री ओलीको ध्यानाकर्षण गराएको हो ।
सो अवसरमा प्रधानमन्त्री ओलीले टरीगाउँ विमानस्थलको स्तरोन्नतिका लागि सरकार गम्भीर भएको बताए । टरीगाउँ विमानस्थलाई कर्णाली र सुदूरपश्चिम प्रदेशको हवाई उडानको केन्द्र बनाइने बताए ।
झटरीगाउँ विमानस्थल मौसमका हिसाबले पनि उपयुक्त छ । प्रधानमन्त्री ओलीले भने, ‘नेपालगन्ज,सुर्खेत र धनगढी उडेका विमान आकस्मिक अवतरण गर्नुपर्दा टरीगाउँ अवतरण गर्न मिल्नेगरी विस्तार गरिन्छ ।’ प्रधानमन्त्री ओलीले लमहि-घोराही-तुलसीपुर चारलेन सडक निमार्णाका लागि टेन्डर गर्ने तयारी थालिएको समेत जानकारी दिए ।
