काठमाडौं– महोत्तरीको रामगोपालपुर नगरपालिका–२ का वडाध्यक्ष मुकेश यादव आइतबार बिहान सडकमा मृत फेला परेका छन्। 

महोत्तरीको बर्दिबास–जलेश्वर सडकखण्डको कल्भर्टमा उनी मृत फेला परेका हुन्। नजिकै एउटा मोटरसाइकल पनि फेला परेको महोत्तरी प्रहरीले जनाएको छ। 

घटनास्थल बर्दिबास नगरपालिका ८ मा पर्छ। अहिले बर्दीवास–जलेश्वर राजमार्गमा तनाव छ। सडक अवरोध गरिएको छ। प्रहरी घटनास्थल पुगेको छ।

हत्या हो कि के हो भन्ने प्रारम्भिक निचोडमा प्रहरी पुग्न सकेको छैन।