काठमाडौं–नेकपा एकीकृत समाजवादीको उपमहासचिवमा २० जना नेताहरूको उम्मेदवारी परेको छ ।
मंगलबार हुन लागेको १८ पदाधिकारी र १०५ पोलिटब्यूरो सदस्यको निर्वाचनमा ४ जना उपमहासचिवतर्फ २० जनाले उम्मेदवारी दिएका हुन् ।
पदाधिकारीतर्फ सबैभन्दा धेरै उपमहासचिवमा नेताहरूले उम्मेदवारी दिएका हुन् ।
आइतबार र सोमबार भएको समाजवादीको पूर्ण केन्द्रीय समिति बैठकमा पदाधिकारी र पोलिटब्यूरो चयन सर्वसम्मत हुन नसकेपछि निर्वाचनमा लगिएको हो ।
समाजवादीको वरिष्ठ उपाध्यक्षमा भने राजेन्द्रप्रसाद पाण्डे निर्विरोध भइसकेका छन् । घनेन्द्र बस्नेतले नाम झिकेपछि पाण्डै निर्विरोध वरिष्ठ उपाध्य भएका हुन् ।
उता ६ जना उपाध्यक्ष पदमा पनि १५ जनको उम्मेदवारी परेको छ । खुल्ला उपाध्यक्षतर्फ ११ जना, मधेसीतर्फ २ जना र महिलातर्फ पनि २ जनाले उम्मेदवारी दिएका हुन् ।
उपमहासचिवका प्रतिस्पर्धी
१. लक्ष्मण केसी
२. रामचन्द्र यादव
३. रामकुमार भट्टराई
४. महेश रेग्मी
५. डा. देउमान सम्वाहाङफे
६. नागेन्द्रप्रसाद चौधरी
७. मेटमणि चौधरी
८. अम्मरबहादुर थापा
९. राजेन्द्रकुमार राई
१०. लक्ष्मण पौडेल
११. शत्रुधन महतो
१२. मदनकुमारी शाह (गरिमा)
१३. हरिप्रसाद पराजुली
१४. श्रीप्रसाद साह
१५. जीवनराम श्रेष्ठ
१६. परमानन्द भट्ट
१७. मीना ज्ञवाली नेपाल
१८. भविश्वर पराजुली
१९. गोमा विष्ट
२०. भवानी खड्का
