बन्दुक देखाएर लुटिएका भरतपुरका प्रधानको अमेरिकामा मृत्यु, कारण यस्तो छ

काठमाडौं– नौ बर्षदेखि अमेरिकामा बस्दै आएका ४७ वर्षीय नेपाली शान्तलाल प्रधान मंगलबार मेरिल्याण्डको अपर मार्लबोरोस्थित आफ्नै कोठामा मृत फेला परेका छन्। 

उनको मृत्युको कारण भने खुल्न सकेको छैन।

चितवनको भरतपुरमा गणित शिक्षकका रपमा नाम कमाएका प्रधानले अमेरिकामा रहँदा धेरै चुनौतीहरूको सामना गर्नुपरेको थियो। उनलाई केही वर्षअघि टेक्सासमा बन्दुक देखाएर लुटिएको थियो, जुन घटनाले उनलाई गहिरो असर पारेको अनलाइन पोर्टल नेपयोर्कले उल्लेख गरेको छ।

२०१९ मा उनी नशासम्बन्धी (मानसिक) रोगबाट पीडित थिए। उनी ६ महिना भन्दा बढी ओछ्यानमा परे। यी कठिनाइहरूको बावजुद, उनले आफ्नो परिवारको खर्च, ऋण र आफ्ना छोराछोरीको ट्युसन शुल्क तिर्न जारी राखेको बताइन्छ। 

नौ वर्षपछि आफ्नो ट्राभल कागजात छिट्टै पाउने र परिवार र साथीभाइलाई भेट्न नेपाल आउने आशामा उनी थिए तर त्यो दिन आउनुपूर्व नै उनको मृत्यु भएको छ। 

प्रधानको शवलाई परम्परागत अन्त्येष्टिको लागि नेपाल फिर्ता पठाउन कोष संकलन गर्न सुरु गरिएको छ। अभियान आयोजकका अनुसार प्रधानकी श्रीमती, एक छोरी भर्खरै आफ्नो करिअर सुरु गरेका छोरा छन्।