काठमाडौं - नेपालगन्ज १० किमि नाइट रनको उपाधि नेपाली सेनाको त्रिभुवन आर्मी क्लबका मुकेश पाल र गीता साहुले जितेका छन् ।
संविधान दिवसका अवसरमा बिहीबार राति नेपालगन्जमा भएको रात्री दौडमा पालले ३१ः०७ः२१ मिनेटमा दस किलोमिटर दौड पूरा गर्दै च्याम्पियन बनेका हुन् ।
यसमा सशस्त्र प्रहरी बलको नेपाल एपीएफ क्लबका सन्तोष विक्रम बिष्ट दोस्रो र किरणसिंह बोगटी तृतीय भए । सन्तोषले ३२ः४८ः४४ मिनेटमा निर्धारित दुरी पूरा गर्दा किरणले ३२ः५४ः६३ मिनेटमा दौड पूरा गरि तृतीय भएका थिए।
रात्री दौड जीवनमा पहिलोपटक दौड्न पाउँदा नै आफू निकै खुशी भएको विजेता पालले बताए । ‘मैले उपाधि नै जितें, इतिहास बनाउने अवसर पाएँ,’ पालले भने, ‘रात्री दौडको मज्जा नै बेग्लै हुने रहेछ ।’
प्रकाशित मिति: शुक्रबार, असोज ४, २०८१ ०७:५१
प्रतिक्रिया दिनुहोस्
