काठमाडौं- गृहमन्त्री रमेश लेखकले सहकारी संस्था बचत रकम दुरुपयोगसम्बन्धी संसदीय विशेष छानबिन समितिको प्रतिवेदन कार्यान्वयन गर्न नेपाल प्रहरीलाई निर्देशन दिएका छन्।

आइतबार प्रहरी प्रधान कार्यालयमा समितिको प्रतिवेदन पठाउँदै उनले तत्काल कार्यान्वयन गर्न निर्देशन दिएका हुन्।

मन्त्रीपरिषद्को बैठकले छानबिन समितिको प्रतिवेदन कार्यान्वयनका लागि सम्बन्धित मन्त्रालयमा पठाएको थियो। सोही अनुरुप गृह मन्त्रालयमा प्राप्त निर्देशनलाई कार्यान्वयन गर्न गृहमन्त्री रमेश लेखकले प्रहरी प्रधान कार्यालयलाई तत्काल कदम चाल्न निर्देशन दिएका हुन्।