काठमाडौँ- गृह मन्त्री रमेश लेखकले संविधान संशोधनको कुराले आत्तिनुपर्ने अवस्था नरहेको बताएका छन् ।
संविधान दिवसको सन्दर्भमा आइतबार सिंहदरवारमा आयोजित कार्यक्रममा लेखकले संविधान जारी भएको १० वर्षमा समीक्षा गर्नुपर्ने भएकाले संविधान संशोधनको कुराले आत्तिनुपर्ने अवस्था नरहेको बताएका हुन् ।
उनले संविधान कार्यान्वयनको समीक्षामार्फत सबल र दर्लव पक्षको पहिचान गर्दै राष्ट्रिय स्तरको छलफल गरेर यसलाई परिमार्जन गर्नुपर्ने धारणा राखे । संविधान संशोधन एउटा कार्यालयको पार्टी कार्यालयबाट नहुने भन्दै सबै राजनीतिक पार्टीकाबीचमा सहकार्यबाट संसदबाट गर्नुपर्ने उनले बताए ।
लेखकले संविधानका आधारभूत विषयका माध्यमबाट मुलुकमा दिगो शान्ति, विकास र समृद्धि गर्नका लागि मिलेर जानुपर्ने उल्लेख गरे ।
प्रकाशित मिति: आइतबार, असोज ६, २०८१ २१:०६
प्रतिक्रिया दिनुहोस्
