काठमाडौँ- नेपाल सुपर लिग टिम बुटवल लुम्बिनी एफसीले चितवन गोल्ड कपको उपाधि जितेको छ । बुटवल लुम्बिनीले फाइनलमा नेपाल पुलिस क्लबलाई २-० ले हराउँदै गोल्ड कपको उपाधि जितेको हो ।

खेलको ३५ औँ मिनेटमा बुटवल लुम्बिनीलाई सनीष श्रेष्ठले हेडर मार्फत अग्रता दिलाएका थिए । आयुष घलानले दिएको क्रसमा सनीषले उत्कृष्ट हेडिङ गर्दै अग्रता दिलाएका हुन् ।

यसका साथै, दोस्रो हाफको ४५ औँ मिनेटमा जोन टेरीको पासमा आयुष घलानले ‘ट्याप इन’ गरेर बुटवल लुम्बिनीलाई २(० को अग्रता दिलाएका थिए ।

प्रशिक्षक राजु लामाको नेतृत्वमा रहेको बुटवल लुम्बिनीले ट्रफि सहित नगद ६ लाख पुरस्कार जितेको छ । योसँगै बुटवल लुम्बिनीले आफूले खेलेको ३ प्रतियोगिताहरूमा पहिलो प्रतियोगिताको उपाधि जितेको  छ ।