Nic Ad Nic Ad
Nic Ad Nic Ad
prabhu inner prabhu inner

माओवादी पार्टीहरूको एकता चाँडै टुङ्गोमा पुग्छ : प्रचण्ड

सिएन नेपाल
सिएन नेपाल
शनिबार, कात्तिक ३, २०८१

चितवन– नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले माओवादी पार्टीहरूको एकतालाई चाँडै टुङ्गोमा पुर्‍याउने बताएका छन् ।

चितवनको भरतपुर–१३ मा माओवादीका बेपत्ता योद्धा दण्डपाणि न्यौपाने स्मृति भवन निर्माणका लागि आयोजित जनसांस्कृतिक कार्यक्रम सम्बोधन गर्दै उनले यस्तो बताएका हुन् । 

पूर्वप्रधानमन्त्रीसमेत रहेका प्रचण्डले एउटै ‘स्कुलिङ’बाट आएर अहिले विभिन्न भंगालोमा रहेका माओवादीहरू एकताबद्ध हुँदै समाजवादी क्रान्तिको तयारीमा लाग्नुपर्ने बेला आएको बताए । 

आफूहरू शान्ति–सम्झौतामा आउँदा गणतन्त्रमा जाने सहमति भए पनि त्यसलाई जनताको गणतन्त्र बनाउने वा दलालहरूको गणतन्त्र बनाउने भन्ने विषयमा कुनै विन्दुमा पुगेर सङ्घर्ष हुन्छ भन्ने विश्लेषण गरिएको उल्लेख गर्दै उनले अब त्यो विन्दु आएको बताए । 

अध्यक्ष प्रचण्डले आम जनतालाई एकताबद्ध गराउँदै समाजवादी क्रान्ति पूरा गर्ने पनि बताए । 

उनले पछिल्लोपटक आफूले सरकारको नेतृत्व गर्दा सहिदको नामावली राजपत्रमा प्रकाशन गर्ने, जनयुद्धलाई राष्ट्रिय दिवस घोषणा गर्ने र शान्ति प्रक्रियालाई टुंगोमा पुर्‍याउनेलगायतका ऐतिहासिक काम गरिएको उल्लेख गर्दै सहिद र योद्धाको स्मरणमा विभिन्न प्रतिष्ठानहरू बनाएर अघि बढ्ने बताए ।

प्रकाशित मिति: शनिबार, कात्तिक ३, २०८१  १५:३९
प्रतिक्रिया दिनुहोस्
अपडेट
सिएन विशेष
किर्तिमानी यू–१९ कप्तान पूजा, बहिनी आरती र भाई कृष्ण पनि राष्ट्रिय क्रिकेटमा, बुवाआमा के गर्छन्?

किर्तिमानी यू–१९ कप्तान पूजा, बहिनी आरती र भाई कृष्ण पनि राष्ट्रिय क्रिकेटमा, बुवाआमा के गर्छन्?
आइतबार, मंसिर २, २०८१
विचार
यसकारण लामिछाने ‘फोटो काण्ड’ कमजोर राज्य प्रणालीभित्रको चरमपन्थी अतिवाद 

यसकारण लामिछाने ‘फोटो काण्ड’ कमजोर राज्य प्रणालीभित्रको चरमपन्थी अतिवाद 
बिहीबार, पुस ४, २०८१