प्रत्यक्षदर्शी प्रकाश बेलबासे यस्तो लेख्छन्

खिल्जी असुरकोट दुर्घटना र पछिल्लो अबस्था !
फुलबारि,  खिल्जी र असुरकोटको संगम स्थानमा दर्जनौ भैलिहरु नाचिरहेका थिए । चार गाउँका हजारौँ दर्शकहरु थियौँ । एक्कासी ठुलो आबाज आएको जस्तो लाग्छ । मैले थाहा पाउँदा म बस मुनि थिएँ  । चार टायरको मध्य भागमा रहेको डिइस्पेन्सर मुनि म लगायत अन्य तिन जना थियौँ । कसैले मलाई बस मुनिबाट तानेर बाहिर निकाल्नुभयो ।  
 
बाहिर निकै कोलाहाल थियो । मानिसहरु भागाभाग गरिरहेका थिए । म आफु ठिक भएको र अन्य घाईतेहरुलाई उद्धार गर्न त्यहाँ  भएका भाईहरुलाई भन्दै अलिकति साइड लागेँ । म आत्तिएको हुँदा र शरिरमा चोटपटक ( सामान्य )  लागेको हुनाले हतास थिएँ ।

मानिसहरु रोईकराई गरेको, घाईतेहरुलाई बोकेर दगुराईरहेको दृश्य निकै कहालिलाग्दो थियो । त्यसैबिच एक जना जेस्ठ आमा बित्नुभएको थाहा पाएँ । उहाँ हाम्रो घरमा टिका लाईदिन आउनुभएको बुवाको फुजै दिदी भएको थाहा पाउँदा हामी अस्पताल जाँदै थियौँ ।

 घटना हुनु पुर्व, मैले मौलिक भैलोको प्रत्यक्ष प्रसारण गरिरहेको थिएँ । त्यहाँ  हामी धेरै साथिभाई थियौँ । सामान्य बर्षा सुरु भएकोले केहि मानिसहरु ओत लाग्न हिंड्दै थिए । त्यसैबिच हाम्रो पछाडि बस आईपुग्यो र ठुलो दुर्घटना घट्यो । मान्छे सोहोर्दै गरेको बस अर्को तर्फबाट आईरहेको (रोकिएको) बलेरो जिपमा नठोक्किएको भए - मानविय क्षति निकै ठुलो हुनसक्थ्यो । जहाँ बस रोकिन पुग्यो त्यो अगाडि करिब २ सय बुढाबुढिहरु बसेर भैलो हेर्दै हुनुहुन्थ्यो र मुनि पट्टि बाटोमा सयौँ मानिसहरु थिए ।

 अहिले हामी जिल्ला अस्पतालमा छौँ । १० जनालाई बुटवल रिफर गरिएको छ । एकजना घटनास्थलमै बित्नुभयो । र अर्को बहिनी अस्पताल ल्याईसक्दा बित्नुभयो । त्यो बेला मसँग रहेका तिन फोनहरु नै हराएको हुनाले मैले कसैसँग सम्पर्क गर्न सकिन । पछि मेरो फोन वडा अध्यक्ष (मामा) सँग आईपुगेको रहेछ । उहाँबाट मैले एउटा फोन पाएँ ।
 
तसर्थ, कसैलाई रेस्पोन्स गर्न सकिन । मेरो अबस्था, घाईते ३७ जना मध्य सामान्य चोटपटक लागेको हुनाले त्यस्तो गार्हो केहि छैन । बहिनी स्मृती पनि अहिले ठिकै छिन् । सायद हामी आज डिस्चार्ज हुन्छौ ।

यो घटना के हो,  कसरि भयो र अब के गर्ने भन्नेबारे बिस्तारै थाहा होला ।  प्रारम्भिक घटना  हेर्दा लापरबाहिको कारण भएको जस्तो देखिन्छ । अनुसन्धान गरि दोशिलाई कार्वाहि होस् । घाईते सम्पुर्णमा स्वास्थ्य लाभको कामना गर्दै मृतक प्रति भावपुर्ण श्रदान्जली व्यक्त गर्दछु ।

नोट - मलाई गाडि मुनिबाट निकाल्ने भाईप्रति कृतज्ञ छु । उद्धार गर्ने सम्पुर्ण टिम, अस्पतालमा सहजिकरण गर्ने महानुभावहरु, अस्पताल टिम र अन्य सम्पुर्ण महानुभावहरु प्रति आभार ।

नोट : बसको एक्कासि ब्रेक फेल भइ बाटोमा भैलो खेलिरहेका समूहलाई ठक्कर दिएको प्रहरीको भनाइ छ ।