-1709542546.jpg)
काठमाडौँ- सुर्खेत-दैलेख सिमास्थित वीरेन्द्रनगर-१४, को रातानाङ्ग्ला नजिक भएको फोर्स गाडी दुर्घटनामा परी चार जनाको मृत्यु भएको छ। मृत्यु हुनेको पहिचान खुलेको छैन।
शुक्रबार दिउँसो दैलेख बजारबाट सुर्खेततर्फ आउँदै गरेको कर्णाली प्रदेश ०२००१ ख ०९९८ नम्बरको गाडी अनियन्त्रित भई दुर्घटनामा परेको दैलेखका सहायक प्रमुख जिल्ला अधिकारी गणेशप्रसाद कोइरालाले जानकारी दिए।
दुर्घटनालगत्तै प्रहरी प्रशासनको टोलीले उद्धार गरेर उपचारका लागि पठाइ सकिएको उनले बताए। केहीको अवस्था गम्भीर केहीको सामान्य रहेको सहायक प्रमुख जिल्ला अधिकारी कोइरालाले बताए।
दुर्घटनामा परी चार जनाको घटनास्थलमै मृत्यु भएको र अन्य २५ जना घाइते भएका कोइरालाले बताए ।
घाइते २५ जनाको उद्धार गरी गुराँस गाउँपालिकाको एम्बुलेन्सबाट थप उपचारका लागि कर्णाली प्रदेश अस्पताल सुर्खेत पठाइएको छ।
प्रकाशित मिति: शुक्रबार, कात्तिक २३, २०८१ १६:३१
प्रतिक्रिया दिनुहोस्
