काठमाडौँ - इंल्यान्डका अलराउन्डर ड्यानियल अलेक्जेन्डर डौटवेटले काठमाडौँ गुर्खाजबाट नेपाल प्रिमियर लिग (एनपीएल) क्रिकेट खेल्ने भएका छन् ।
२७ वर्षीय अलराउन्डर ड्यायिललाई चौथो विदेशी खेलाडीका रूपमा अनुबन्ध गरेको काठमाडौँ गुर्खाजले जनाएको छ ।
ड्यानियलले ६२ टी-२० क्रिकेटमा ६ सय ३० रन बनाउनुका साथै ५७ विकेट लिएका छन् । काठमाडौँले यसअघि नेदरल्यान्ड्सका माइकल लेभिट, नामिबियाका गेरहार्ड इरसमस र इंल्यान्डका स्टेफेन इस्किनाजीलाई अनुबन्ध गरेको छ ।
नेपाली राष्ट्रिय क्रिकेट टोलीका अलराउन्डर करण केसी मार्की खेलाडी रहेका काठमाडौँमा वसन्त शाही ठकुरी मुख्य प्रशिक्षकको जिम्मेवारीमा छन् ।
प्रकाशित मिति: शुक्रबार, कात्तिक २३, २०८१ १९:०८
प्रतिक्रिया दिनुहोस्
