काठमाडौं- नेपालले यूएईमा जारी आईसीसी यू-१९ महिला टी-२० विश्वकप एसिया छनोट अन्तर्गत आज यूएईविरुद्ध खेलिरहेको छ ।
दुबईस्थित द सेभेन स्टेडियममा जारी यस खेलमा यूएईले पहिला ब्याटिंग गर्दै नेपाललाई १२३ रनको लक्ष्य दिएको छ । यूएईले २० ओभरमा ७ विकेट गुमाउँदै १२२ रन बनाएको हो ।
प्रतियोगितामा नेपाल र यूएई दुवैले आफ्ना सुरुका २-२ खेल जितेका छन् । नेपाल र यूएईले थाइल्याण्ड र कुवेतलाई पराजित गरेका छन् ।
छनोट प्रतियोगिता नेपाल र कुवेतसँगै आयोजक यूएई र थाइल्याण्ड सहभागी छन् । डबल राउण्ड रोविनका आधारमा खेलाइएको यस प्रतियोगितामा शीर्ष स्थानमा रहने टोली अर्को वर्ष मलेसियामा हुने यू-१९ महिला टी-२० विश्वकपमा छनोट हुनेछ ।
प्रकाशित मिति: शनिबार, कात्तिक २४, २०८१ १३:०९
प्रतिक्रिया दिनुहोस्
