काठमाडौं – लिभरपुलले अस्टन भिल्लालाई २-० ले हराउँदै इङ्लिस प्रिमियर सिपको अङ्क तालिकामा ५ अङ्कको अग्रताका कायम गरेको छ।
गएराति भएको खेलको २० औं मिनेटमा डार्विन नुनेजले पाएको अवसरलाई सहजै गोलमा परिणत गरेपछि लिभरपुलले पहिलो अग्रता लिएको थियो। मोर्गान रोजर्सले मध्यान्तरपछि एक अवसर नगुमाएको भिल्ला खेलमा फर्कने सम्भावना पनि थियो।
मोहम्मद सलाहले खेल सकिन ६ मिनेट बाँकी रहँदा लिभरपुलका लागि अर्को गोल गरेका हुन्। यस सिजनको लिगमा उनको यो लगातार चार खेलमा गोल गरेका हुन्।
लिगका ११ खेलमा लिभरपुलको यो नवौँ जित हो। शनिबार भएका प्रिमियरसिपका अन्य खेलमा ब्रिङटनले म्यानचेस्टर सिटीलाई २-१ ले, उल्भ्सले साउथहाम्टनलाई २-० ले, ब्रेन्टफोर्डले बोर्नमाउथलाई ३-२ ले र फुलहामले त्रिस्टल प्यालेसलाई २-० ले हराए। वेस्टहाम र एभरटनको खेल गोलरहित बराबरीमा सकिएको छ।
तालिकामा लिभरपुल ११ खेलमा २८ अङ्कसहित शीर्ष स्थानमा छ भने सिटी २३ अङ्कसहित दोस्रो स्थानमा छ। १० खेल खेलेको नटिङघम फरेस्ट १९ अङ्कसहित तेस्रो स्थानमा छ। चौथो स्थानमा रहेको ब्रिङटनले ११ खेलबाट १९ अङ्क जोडेको छ। अस्टन भिल्ला ११ खेलमा १८ अङ्कसहित आठौँ स्थानमा झरेको छ।
