काठमाडौं– अभिनेता धिरज मगर र अभिनेत्री उपसना सिंह ठकुरी अभिनित फिल्म खुश्माको ‘रुकुम मैकोट’ बोलको गीतको भिडिओ डेढ महिनादेखि युट्युव च्यानलको ग्लोबल टप म्युजिक लिस्टमा कायम रहेको छ।
एसडी योगीको संगीतमा बनेको योगीसहित शान्ति श्री परियारको युगल स्वरमा भरिएको गीतले यो किर्तिमानलाई कायम राखेको हो। गीतको लेखन सुरेन्द्र रानाले गरेका हुन्।
युटुबले हरेक आईतबार ग्लोबल टप म्युजिक लिस्टमा १०० ओटा गीत राख्ने गर्छ। गत २२ सेप्टेम्बरमा ७३औं स्थानमा पर्न सफल भएको यो गीतको भिडिओ त्यसपछि एकै चोटी ५६औं स्थानमा उक्लिएको थियो।
त्यसपछि क्रमशः ५८औं, ७३औं, ८३औं हुँदै अहिले ६०औं स्थानमा बसेको छ। नेपाली गीत यति लामो समय सम्म ग्लोबल टप म्युजिक लिस्टमा बस्नु सांगितिक क्षेत्रका लागि मात्रै समग्रका लागि खुशीको कुरा हो।
प्रकाशित मिति: सोमबार, कात्तिक २६, २०८१ १३:४३
प्रतिक्रिया दिनुहोस्
