काठमाडौं– नेपाल प्रिमियर लिग (एनपीएल) को फ्रेन्चाइज लुम्बिनी लायन्सले ब्रान्ड एम्बेस्डरमा अभिनेता राजेश हमाल पाएको छ।

नेपाली फिल्म क्षेत्रमा महानायक पगरीले परिचित हमालले क्रिकेटसँग आफ्नो नजिकको सम्बन्ध रहेको बताएका छन्। ब्रान्ड एम्बेस्डर बन्न पाउँदा खुशी लागेको बताए। 

लुम्बिनीले हमालसँग एक बर्षको सम्झौता गरेको छ। कति रकममा सम्झौता गरिएको भन्नेचाहिँ खुलाइएको छैन। 

हमालले लुम्बिनी टिमसँग जोडिन पाउँदा एकदम खुशी लागेको बताए। नेपालमा क्रिकेटको हाइप बढेपछि हेर्न थालेको बताएका हमालले लुम्बिनीसँग जोडिन पाउँदा एकदमै खुशी रहेको बताए। 

उनले रोहित पौडेल नेतृत्वको लुम्बिनी टिमले राम्रो गर्छ भन्ने विश्वास लागेको बताए।

मार्की प्लेअर रोहित पौडेलले महानायक राजेश हमाल जोडिँदा खुशी लागेको बताए। उनले त लुम्बिनीको मात्र नभएर देशकै ब्रान्ड एम्बेस्डर जस्तो मानिस पाउँदा खुशी लागेको बताए।