काठमाडौँ- अहिले सामाजिक सञ्जालमा डिआरएसले देशका लागि साउदीको टिमबाट आएको ठुलो अफर अस्वीकार गरेको विषय निकै चर्चा भइरहेको छ । उक्त अफरमा साउदीको टिमले विभिन्न प्रावधान राखेर साउदीको झन्डामा पब्जी विश्वकप खेल्न अनुरोध गरेको थियो । यो गरे बापत साउदीको त्यो टिमले डिआरएसलाई करिब १० करोड नेपाली रुपैयाँ दिने थियो ।
तर डिआरएसका सिइओ भिक्टर पौडेल तथा खेलाडीहरूले उक्त अफर ठाउँको ठाउँ नै अस्वीकार गरेका थिए । भिक्टरले आफ्नो सामाजिक सञ्जालमा पोस्ट गर्दै यो खबर सार्वजनिक गरेका हुन् ।
तर पोस्टको अन्तिममा उनले यो प्रस्ताव अस्वीकार गर्दा निकै प्रश्चताप लागेको बताएका छन् । यसका साथै, उनले नेपालमा इस्पोर्टसको अस्तित्व हराउँदै गइरहेको समेत बताएका थिए ।
भिक्टरको यो पोस्टले समर्थकहरूले सम्बन्धित सरकारी निकायले डिआरएससँग राम्रो समन्वय नगरेको आकलन गरेका छन् ।
प्रकाशित मिति: मंगलबार, कात्तिक २७, २०८१ १६:३८
प्रतिक्रिया दिनुहोस्
