प्रधानमन्त्रीको चीन भ्रमणका लागि गृहकार्य भइरहेको छ : परराष्ट्रमन्त्री
सुदूरपश्चिम- परराष्ट्र मन्त्री डा. आरजु राणा देउवाले प्रधानमन्त्री केपी शर्मा ओलीको छिमेकी देश चीनमा हुन लागेको भ्रमणका लागि मन्त्रालयले गृहकार्य गरिरहेको बताएकी छन् ।
आज धनगढी विमानस्थलमा पत्रकारसँग कुरा गर्दै उनले प्रधानमन्त्रीको चीन भ्रमणका क्रममा हुने छलफलका ‘एजेण्डा’ चिनियाँ पक्षले पठाउन लागेको बताएकी हुन् । परराष्ट्र मन्त्री डा. राणाले भनिन्, “नेपाल सरकारका मन्त्रालयहरूले चीनसँग कुन-कुन विषयमा सहकार्य र सम्झौता भएको छ, यी सम्झौताको स्थिति के हो ? भनेर २७ गते अपडेट गर्ने काम भएको छ, परराष्ट्र मन्त्रालयले गृहकार्य गरिरहेको छ, केही दिनमै प्रधानमन्त्रीसहित बसेर चीन भ्रमणका क्रममा कुन-कुन कुरालाई अगाडि बढाउने भनेर निर्णय गर्नेछौँ ।”
उनले नेपालको दुई वटा छिमेकी देश भारत र चीनसँग परापूर्व कालदेखि नै घनिष्ठ सम्बन्ध रहेको बताइन् ।
अर्को प्रसंगमा नेपाली काँग्रेसकी नेतृसमेत रहेकी डा. राणाले ठुला र प्रतिस्पर्धी पार्टीको सरकार भएकाले दुवै पार्टीका नेता कार्यकर्ताबीच तल्लो तहदेखि नै समझदारी एवं सहकार्यका लागि संयन्त्र बनाइएको बताइन् । उनले भनिन्, “देशमा स्थायी सरकार बनाएर लग्ने भन्ने नेताहरूको योजनालाई साकार पार्न पनि यस्तो संयन्त्र बनाइएको हो ।”
परराष्ट्र मन्त्री डा. राणा आफ्नो गृह जिल्ला डडेलधुराको उग्र तारालगायत मन्दिरमा लाग्ने मेलामा सहभागी हुन धनगढी हुँदै आज डडेलधुरा गएकी छन् । पूर्व प्रधानमन्त्री एवं काँग्रेसका सभापति शेरबहादुर देउवा केही दिनदेखि डडेलधुरामै छन् ।
साइनो नै नभएको गिरीबन्धु टी-इस्टेटलाई जोडेर भूमि अध्यादेश रोकियो : मन्त्री अधिकारी
शिक्षकहरूलाई प्रचण्डले भने- पटक पटक धोका भएको छ, आन्दोलन नरोक्नू
आई लभ यू’ होइन, हिसाब देऊ केपी बा भन्नुपर्छ : घनश्याम भुसाल
-1715941850.webp)
नारायणकाजी श्रेष्ठले भने- प्रतिगमनलाई बल पुर्याउनेलाई परास्त गर्नुपर्छ
शिक्षक आन्दोलन समाधान गर्न खोज्दा नै मन्त्रीबाट भट्टराईले राजीनामा दिनु परेको तथ्य खुल्यो
मुलुकलाई प्रतिगमनतिर फर्काउने दिवा सपना नदेख्न प्रचण्डको चेतावनी
‘शिक्षामन्त्रीको राजीनामालाई लिएर प्रधानमन्त्री ओलीको ‘दानवीकरण’ गरिनु खेदजनक’ : विष्णु रिजाल
