काठमाडौँ- जिल्ला समन्वय समिति कैलालीको प्रमुखमा नेकपा एमालेले आफ्नो उम्मेदवार नउठाउने भएको छ। एमालेले काँग्रेसलाई सहयोग सहयोग गरेर जाने भएको छ।
मंसिर १६ गते हुने समन्वय प्रमुखको निर्वाचनमा काँग्रेसका उम्मेदवारलाई समर्थन गर्न सत्ता दल नेकपा एमाले र काँग्रेसबीच सहमति भएको हो ।
नेपाली काँग्रेस कैलाली सभापति नारायण दत्त भट्ट, उपसभापति खेमराज डगौरा, सचिव केशव मिश्र र नेकपा एमाले कैलालीका इन्चार्ज नारदमुनि राना, कैलाली अध्यक्ष यज्ञराज ढुंगाना, सचिव ममता चौधरीलगायतका नेताबिच सो सहमति भएको हो ।
काँग्रेसले प्रमुखमा टीका कुमारी चौधरी (भुल)लाई उम्मेदवार बनाउने निर्णय गरिसकेको छ । उनको उम्मेदवारी दर्तामा धनगढी उपमहानगरकी उपप्रमुख तथा नेकपा एमालेकी नेतृ कन्दकला राना प्रस्तावक रहेकी छिन् ।
प्रकाशित मिति: आइतबार, मंसिर २, २०८१ १३:२९
प्रतिक्रिया दिनुहोस्
