काठमाडौं– नेकपा माओवादी केन्द्रको पदाधिकारी बैठक स्थगित भएको छ । आज दिउँसो १ बजे पार्टी केन्द्रीय कार्यालय पेरिसडाँडामा बस्ने गरी बोलाइएको बैठक अध्यक्ष पुष्पकमल दाहाल ‘प्रचण्ड’ व्यस्त रहने भएकाले बैठक स्थगित गरिएको जनाइएको छ ।
अध्यक्ष प्रचण्ड पूर्वसभामुख दमननाथ ढुंगानाको श्रद्धाञ्जली लगायतका कार्यक्रममा व्यस्त रहने भएकाले बैठक स्थगित गरिएको उपाध्यक्ष एवम् पार्टी प्रवक्ता अग्नि सापकोटाले जानकारी दिए ।
बैठकमा स्थानीय तह उपनिर्वाचन, विधान संशोधन, पालिका सम्मेलन, केन्द्रीय समितिको बैठक लगायत विषयमा छलफल गर्ने तयारी थियो । आज स्थगित भएको बैठक मंसिर ४ गते बस्ने भएको छ ।
प्रकाशित मिति: सोमबार, मंसिर ३, २०८१ ११:३३
प्रतिक्रिया दिनुहोस्
