काठमाडौँ - सत्तारुढ दल नेपाली काँग्रेस र नेकपा एमालेका शीर्ष नेताहरूबीच भेटवार्ता भएको छ । आज साँझका लागि बोलाइएको मन्त्रिपरिषद् बैठक स्थगित गरेर दुई दलका शीर्ष नेताहरू छलफलमा जुटेका हुन् ।
बैठकमा प्रधानमन्त्री केपी शर्मा ओली, काँग्रेस सभापति शेरबहादुर देउवासहित दुवै दलका शीर्ष नेताहरू सहभागी छन् ।
बैठकमा काँग्रेसबाट महामन्त्री गगन थापा, परराष्ट्र मन्त्री आरजु राणा, एमालेबाट उपप्रधान तथा अर्थमन्त्री विष्णु पौडेल, उपमहासचिव विष्णु रिमाल सहभागी छन् । बैठकमा प्रधानमन्त्रीको आसन्न चीन भ्रमणलगायत असामयिक विषयमा छलफल भइरहेको बताइएको छ ।
प्रकाशित मिति: मंगलबार, मंसिर ४, २०८१ १८:४६
प्रतिक्रिया दिनुहोस्
