काठमाडौँ - आजबाट दुई नेपाली चलचित्र प्रदर्शनमा आएका छन् । शंकर घिमिरे निर्देशित ‘तेल भिसा’ र घनश्याम लामिछाने निर्देशित ‘अग्निदहन’ प्रदर्शनमा आएका हुन्।
‘तेल भिसा’मा विपीन कार्की मुख्य भूमिकामा छन् । ‘तेल भिसा’मा वर्षा राउत, पूजा चन्द, ऋचा घिमिरे, बुद्धि तामाङ, सुचित्रा उप्रेती र विदेशी कलाकारहरूको यो चलचित्रमा अभिनय रहेको छ ।
यो चलचित्र अमेरिका र नेपालमा छायांकन गरिएको छ । यो चलचित्रले विशेषगरी प्रवासका नेपालीको कथा भन्छ।
यस्तै, घनश्याम लामिछाने निर्देशित ‘अग्निदहन’मा कलाकार प्रकाश घिमिरे, प्रमिला तुलाचन, माओत्से गुरुङ, अनुपमा भण्डारी र तुलसी क्षेत्रीको अभिनय छ। यो चलचित्रले नेपाली समाजको अन्धविश्वास बोक्सी कुप्रथाविरुद्धको कथा भन्छ।
प्रकाशित मिति: शुक्रबार, मंसिर ७, २०८१ ११:२४
प्रतिक्रिया दिनुहोस्
