नेपाली युवाको समूहद्वारा आईफोनले खिचेको फिल्म अमाजोन प्राइम भिडिओले देखायो (ट्रेलरसहित)
काठमाडौं– नेपाली युवाको एउटा सानो समूहले आईफोनबाट खिचेर बनाइएको फिल्म अमाजोन प्राइम भिडिओले देखाएको छ।
फस्ट स्क्वाड फिल्मको ब्यानरमा निर्माण भएको ‘अ प्लेस अन्डर दी सन’ नामको फिल्मलाई आईफोन १४ प्रोम्याक्सले खिचिएको निर्माण समूहले जनाएको छ।
फिल्मसम्बन्धी कलेज ‘ओस्कार इन्टरनेशनल’बाट पास भएका युवाहरूको समूहले डेढ बर्षअघि वान स्क्वाड फिल्म ब्यानर तयार पारेका थिए।
फिल्मका लेखन, सम्पादन र निर्देशन जेसोन लोप्चनले गरेका छन्।
उमेश खड्का सह–निर्माता रहेको फिल्ममा मिन घलान, मिरा गुरुङ, अंशु शर्मा, विप्लव गौली, प्रजन पौडेले प्रवेश एमसी, रिदेन श्रेष्ठ र सन्तोष मिजारलगायतको अभिनय रहेको छ।
राजीव थापा, गणेशजङ्ग रावल र प्रज्वल खड्काले फिल्मको गीतमा संगीत भरेका छन्। प्यासिफिक स्टुडिओमा पोस्ट प्रडक्शन गरिएको फिल्मका प्रडक्शन म्यानेजर निराजन रेग्मी हुन्।
यस्तो छ ट्रेलर
