काठमाडौं– रिक्त रहेका ८ प्रहरी नायव उपरिक्षक (डीआईजी) र रिक्त हुनेसहितका प्रहरी बरिष्ठ उपरिक्षक (एसएसपी)को बढुवा सिफारिसको अन्तिम गृहकार्य भएको छ।
नेपाल प्रहरी प्रधान कार्यालयले रिक्त रहेका पदमा शुक्रबारै बढुवा निकाल्न सक्ने सम्भावना रहेको उच्च स्रोतले जनाएको छ। प्रायः प्रहरी प्रधान कार्यालयले बढुवा तथा सरुवा शुक्रबारकै छेको बनाएर प्रकाशित गर्दै आएको छ।
‘गृहकार्य जोडतोडले भइरहेको छ। रातीसम्म निस्कन सक्ने सम्भावना पनि छ’, उच्च स्रोतले भन्यो।
यसअघि दुई जना प्रहरी अतिरिक्त महानिरिक्षक (एआईजी) बढुवा सिफारिसको निर्णय प्रधान कार्यालयले कार्यान्वयन गरेको छ। केदार ढकाल र बुद्धिराज गुरुङ एआईजीमा बढुवा भएका छन्।
प्रकाशित मिति: शुक्रबार, मंसिर ७, २०८१ १३:२३
प्रतिक्रिया दिनुहोस्
