काठमाडौं– गायिका स्मिता दाहालले प्रेमी सायुज्य श्रेष्ठसँग बिहे गर्ने भएकी छन्। 

आगामी २१ गते उनको बिहे गोकर्णस्थित नर्लिङ रिसोर्टमा हुनेछ। 

पूर्वप्रधानमन्त्री तथा माओवादी अध्यक्ष पुष्पकमल दाहाल प्रचण्डकी कान्छी छोरी गंगाकी छोरी स्मिता लदेख्छिन्,‘मेरो माया, कलेजको बेन्चहरूमा लुकेर हेराहेर गर्दादेखि सधैंको लागि योजना बनाउँदासम्म। हामीले मात्र बुझ्न सक्ने यो हाँसो, अबेर रातीसम्मको कुराकानी र शान्त क्षणको यात्रा। साथीदेखि मेरो माया र अहिले सँधैको लागि।’

उनले इन्स्टामा लेखेकी छन्,‘तिमीले ल्याएका हरेक खुसीको लागि धन्यवाद। मेरो औंला वरिपरि बेरिएको वाचाको लागि र मलाई संसारको सबैभन्दा भाग्यशाली हृदय बनाएकोमा धन्यवाद। यहाँ हाम्रो सुरुवातको लागि, यी हातले बनाएका सपना, माया, हाँसो र अनन्त सुन्दर सम्झनाको जीवनको लागि। म तिम्रो हुनको लागि पर्खन सक्दिन, सधैं र सधैं। मेरो सारा हृदयले, तिम्रो।’

सायुज्यले एमबीए अध्ययन गरेका छन्। उनी व्यवसायी रहेको बताइएको छ। ‘मायालु तिमी कता छौ’ उनको हिट गीत हो।