काठमाडौं - नेपाल क्रिकेट संघ (क्यान)ले नेपाल प्रिमियर लिग (एनपिएल)को टिकट दर निर्धारण गरेको छ । 

क्यानले सोमबार उद्घाटन खेल, लिग, प्लेअफ खेल, फाइनल र सिजनल पासको टिकट निर्धारण गर्याे । उद्घाटन दिन सामान्यतर्फको टिकट दर ३०० सय र भिआईपीको सात सय तोकिएको छ । 

लिग चरणका खेलमा ३ सय र पाँँच सय तोकिँदा प्लेअफमा ५ सय र ७ सय बताइएको छ । त्यस्तै, ६ गते हुने फाइनल खेलको टिकट दर सामान्यतर्फ ५ सय र भिआईपीतर्फ एक हजार निर्धारण गरेको छ । 

क्यानले पहिलो पटक आफै आयोजना गर्न लागेको लिगको सिजनल पास पनि उपलब्ध गराउने निर्णय गरेको छ । पासमा २० प्रतिशत छुट गरिएको जनाएको छ । सामान्यतर्फको मुल्य चार हजार चार सय ८० तथा भिआईपीतर्फको मुल्य ८ हजार २ सय ४० रुपैँया तोकिएको छ । 

आज राती ८ बजेदेखि टिकट खुला गरिएको क्यानका प्रवक्ता छुम्बी लामाले जानकारी दिए ।

लिगको उद्घाटन खेलमा विराटनगर किंग्स र जनकपुर बोल्ट्स शनिबार भिड्नेछन् ।