काठमाडौं– बुधबार नेपाल स्टक एक्सचेन्ज (नेप्से) २८.८१ अंकले बढेको छ । नेप्से १.४२ प्रतिशतले बढ्दा २७५५.४७ विन्दुमा परिसूचक पुगेको हो । 

९ अर्ब ३१ करोड २९ लाख ३४ हजार रुपैयाँ बराबरको १ करोड ७१ लाख ८३ हजार ८५४ कित्ता शेयर कारोबार भएको छ । 

बजार बन्द हुँदासम्म १९९ वटा कम्पनीको शेयर मूल्य बढेको छ भने ४० वटा कम्पनीको शेयर मूल्य घटेको छ । ५ वटा कम्पनीको शेयर मूल्य भने स्थिर रहेको छ । ३१८ वटा कम्पनी कारोबारमा आउँदा ८९ हजार पटक शेयर किनबेच भएको छ । 

यस्तै १० वटा कम्पनीको शेयर मूल्यमा सकारात्मक सर्किट लागेको छ भने मैथली लघुवित्तको शेयर मूल्यमा नकारात्मक सर्किट लागेको छ । १३ समूह मध्ये फाइनान्स बाहेक सबै समूहमा हरियाली छाएको छ । आज फाइनान्स समूह ०.४७ प्रतिशतले घटेर ३ हजार ६७४.२५ विन्दुमा पुगेको छ । 

सबैभन्दा बढी ट्रेडिङ समूह ९.२७ अंकले बढेर ३ हजार ८७०.८६ विन्दुमा पुगेको छ भने सबैभन्दा कम म्युचुअल फण्ड ०.०९ प्रतिशतले बढेर २१.८८ विन्दुमा पुगेको छ । 

त्यस्तै, वाणिज्य बैंक समूह ०.३२ प्रतिशतले, विकास बैंक ३.१८ प्रतिशतले, होटल तथा पर्यटन १.३६ प्रतिशतले, हाइड्रोपावर १.४६ प्रतिशतले, लगानी समूह ०.७१ प्रतिशतले, जीवन बीमा २.८१ प्रतिशतले, उत्पादन तथा प्रशोधन ०.६३ प्रतिशतले, लघुवित्त ०.९० प्रतिशतले, निर्जीवन बीमा १.१८ प्रतिशतले र अन्य समूह ०.५६ प्रतिशतले बढेको छ ।