एनपीएलः रवि बोपाराको अर्धशतकीय पारीसँगै चितवनले कर्णालीलाई दियो १३१ रनको लक्ष्य
काठमाडौं– नेपाली प्रिमियर लिग (एनपीएल) अन्तर्गत चितवन राइनोजले कर्णाली याक्सलाई १३१ रनको लक्ष्य दिएको छ।
रवि बोपाराको अर्धशतकीय पारीसँगै संघर्षपूर्ण खेलमा चितवनले उक्त लक्ष्य दिएको हो।
कर्णालीले टस जितेर फिल्डिङ रोजेपछि चितवनका लागि रवि बोपाराले उत्कृष्ट ब्याटिङ प्रदर्शन गर्दै ४० बलमा ७ चौका र १ छक्कासहित ५९ रन बनाए।
शरद भेषावकरले ३ बलमा ६ रन थप्दै आफ्नो योगदान दिए।
कर्णाली याक्सका बलर बिपिन शर्माले उत्कृष्ट प्रदर्शन गर्दै ४ ओभरमा २१ रन खर्चेर ३ विकेट लिए। सोमपाल कामीले ४ ओभरमा ३१ रन दिएर १ विकेट हात पारे।
खेलमा चितवनको रन रेट ६.५० थियो, जसमा अन्तिम पाँच ओभरमा ४० रन थपियो।
प्रकाशित मिति: शुक्रबार, मंसिर २१, २०८१ १०:४८
प्रतिक्रिया दिनुहोस्
