काठमाडौं– नेपाली प्रिमियर लिग (एनपीएल) अन्तर्गतको रोमाञ्चक खेलमा जनकपुर बोल्ट्सले लुम्बिनी लायन्सलाई १ रनले पराजित गरेको छ। जनकपुरले दिएको १३७ रनको लक्ष्य पछ्याउने क्रममा लुम्बिनीले २० ओभरमा ८ विकेट गुमाएर १३५ रन मात्र बनायो।
जनकपुरका बलर हर्ष ठाकरले उत्कृष्ट प्रदर्शन गर्दै ४ ओभरमा मात्र २३ रन खर्चेर ५ विकेट लिए। उनको इकोनोमी ५.७५ रहेको थियो। जसले खेलमा निर्णायक भूमिका खेल्यो। किशोर महतोले पनि ३ ओभर बलिङ गर्दै २५ रन दिएर १ विकेट हात पारे।
लुम्बिनीका लागि सन्दीप जोरा ८ बलमा १६ रन बनाएर उत्कृष्ट प्रदर्शन गरे तापनि अन्तिम बलमा आउट हुँदा टोलीको जित सम्भावना टुंगियो। दुर्गेश गुप्ताले ३ बलमा ५ रन बनाए, जसमा उनले १ चौका प्रहार गरे।
जनकपुरले पहिले ब्याटिङ गर्दै २० ओभरमा १३६ रन बनाउँदा ९ विकेट गुमाएको थियो। बलिङतर्फ उनीहरूले उत्कृष्ट टोली प्रदर्शन गर्दै अन्तिम ओभरसम्म खेललाई नियन्त्रणमा राखे। यो जितसँगै जनकपुर चार खेलमा अविजित रही टेबलको शीर्ष स्थानमा छ।
