काठमाडौं- टिकटक जोडी आयुषसिंह ठकुरी र एलिजे जमालीको अकाउन्ट टिकटकमा देखिन छोडेको छ । उनीहरूले दिएको अभिव्यक्ति टिकटकमा लगातार ट्रोल हुन थालेको थियो ।
ट्रोल हुने क्रम बढिरहेका बेला सोमबार बिहानदेखि आयुष र एलिजे दुवैको टिकटक अकाउन्ट देखिन छोडेको हो । अछामका आयुष र पाकिस्तानकी एलिजेबीच टिकटकबाटै प्रेम सम्बन्ध सुरु भएको थियो । हाल उनीहरूले स्वयम्बर गरिसकेका छन् ।
पछिल्लो समय आयुष र उनकी आमा नानुसिंह ठकुरीबीचको पारिवारिक विवाद टिकटकमा सार्वजनिक भएको थियो । आमालाई अपमान गरेको भन्दै धेरैले आयुषको आलोचना गरिरहेका छन् । आयुष र एलिजेले आफैँ टिकटक अकाउन्ट बन्द गरेका हुन् कि टिकटकले उनीहरूको अकाउन्ट हटाएको हो भन्ने खुलेको छैन ।
प्रकाशित मिति: सोमबार, मंसिर २४, २०८१ १७:३८
प्रतिक्रिया दिनुहोस्
