काठमाडौं– गुल्शन झाको फिनिसिङमा कर्णाली याक्सले नेपाल प्रिमियर लिग (एनपीएल) अन्तर्गत भएको आजको खेलमा पोखरा एभेन्जर्सलाई ७ विकेटले पराजित गरेको छ। 

खेल काठमाडौँको किर्तिपुर मैदानमा सम्पन्न भयो, जहाँ कर्णालीले १०४ रनको लक्ष्य १५ ओभरमै पूरा गरेको छ। 

पोखरा एभेन्जर्सले टस जितेर ब्याटिङको निर्णय गरेको थियो। तर, टोलीले १६.३ ओभरमै सबै विकेट गुमाउँदै मात्र १०३ रन बनायो।

बिपिन खत्रीले ९ बलमा १० रन बनाए। टिमका अन्य ब्याटरले प्रभावकारी प्रदर्शन गर्न सकेनन्।

कर्णाली याक्सका विलियम बोसिस्टोले ६ विकेट लिएर पोखराको ब्याटिङ लाइनअप ध्वस्त पारे।

गुल्सन झाले ३७ बलमा ४९ रनको नटआउट इनिङ्स खेले, जसमा ३ चौका र ४ छक्का सामेल थिए।

चाडविक वाल्टनले ३४ बलमा ४२ रन बनाए। कर्णालीले आफ्नो इनिङसको सुरुदेखि नै सहज खेल प्रदर्शन गर्दै ३० बल बाँकी छँदै लक्ष्य पूरा गरेको हो। 

पोखरा एभेन्जर्सका बलरहरूले कर्णालीको ब्याटिङ रोक्ने प्रयास गरेका थिए। सागर ढकालले उनले ४ ओभरमा २४ रन दिएर १ विकेट लिए।

म्याट क्रिचलीले उनले २ ओभरमा २० रन दिए। तर, विकेट लिन सकेनन्। कर्णाली याक्सले पोखरा एभेन्जर्सलाई फराकिलो अन्तरले पराजित गर्दै आफ्नो प्रतियोगितामा मजबुत प्रदर्शन देखायो।