काठमाडौं - काठमाडौं उपत्यकामा आज वर्षकै सबैभन्द बढी चिसो महसुस भएको छ ।
जल तथा मौसम विज्ञान विभाग मौसम पूर्वानुमान महाशाखाले पौने ९ बजे जारी गरेको बुलेटिनअनुसार काठमाडौं उपत्यकाको न्यूनतम तापक्रम ३.९ डिग्री सेल्सियस रहेको छ । हिजो बिहानको न्यूनतम तापक्रम ५.६ रहेको थियो ।
मौसमविद रोजन लामिछानेले तापक्रम घट्ने क्रम जारी रहने बताए । उनका अनुसार मौसम भने सफा रहनेछ । आज काठमाडौं उपत्यकाका अधिकतम तापक्रम १७ देखि १९ डिग्री सेल्सियसबीच रहने जनाइएको छ ।
आज जुम्लामा सबैभन्दा कम माइनस ६.५ डिग्री सेल्सियस मापन गरिएको छ ।
चिसो क्रमशः बढ्दै जाने र तापक्रम घट्दै जाने तथा रातको समयमा बादल नलागेका बेला मौसम बढी चिसो हुने गरेको उनको भनाइ छ ।
प्रकाशित मिति: बुधबार, मंसिर २६, २०८१ ०९:४७
प्रतिक्रिया दिनुहोस्
