काठमाडौं– नेपाल प्रिमियर लिग (एनपीएल) अन्तरगर्त विहीबार भएको अन्तिम खेलमा जनकपुर बोल्ट्सले रोमाञ्चक जित दर्ता गर्दै काठमाडौँ गोर्खालाई ५ विकेटले पराजित गरेको छ।
काठमान्डु गुर्खाजले पहिले ब्याटिङ गर्दै १०२ रनको लक्ष्य दिएको थियो, जसलाई जनकपुरले १५.५ ओभरमा ५ विकेट गुमाउँदै १०४ रन बनाएर सहजै पूरा गरेको थियो।
जनकपुरका लागि हर्ष थाकेरले २५ बलमा २५ रनको संयमित इनिङ्स खेले। मोहम्मद मोहसिनले उत्कृष्ट प्रदर्शन गर्दै ७ बलमा अविजित १३ रन बनाए, जसमा लगातार ३ चौका सामेल थिए।
गुर्खाजका बलरहरूबाट शाहाब आलमले चार ओभरमा २२ रन दिएर १ विकेट लिए भने करन केसीले ४ ओभरमा मात्र १० रन दिएर २ विकेट लिएका थिए।
१३.३ ओभरमा गुर्खाजले जनकपुरका महत्वपूर्ण ब्याट्सम्यान जेम्स निसमलाई आउट गरेपछि खेल केही रोचक बन्यो। निसमले १७ बलमा २७ रन बनाएका थिए, जसमा ज्ञ चौका र घ छक्का सामेल थियो।
तर, अन्त्यमा मोहसिनको आक्रामक ब्याटिङले जनकपुरलाई जित दिलायो। १५औँ ओभरमा ड्यान डौथवेटको बलमा मोहसिनले लगातार ४ चौका प्रहार गर्दै खेल समाप्त गरे।
