काठमाडौ - नेपाल प्रहरीका दुई प्रहरी नायब महानिरीक्षक(डिआइजी) प्रहरी अतिरिक्त महानिरीक्षक(एआइजी) मा बढुवा सिफारिस भएका छन् । दुर्गा सिंह र भरतबहादुर बोहराको शुक्रबार बढुवा सिफारिस भएको हो ।
एआइजीद्वय केदार ढकाल र भिम प्रसाद ढकालले अवकाश पाएपछि रिक्त पदमा उनीहरुको बढुवा सिफारिस भएको हो । गृहसचिव गोकर्णमणि दुवाडी अध्यक्षताको सिफारिस समितिले दुई जनाको नाम बढुवा सिफारिस गरेको हो।
बढुवा सिफारिस भएकामध्ये बोहरा करिब एक साता मात्र पदमा रहनेछन् । सिफारिस भएको एक सातासम्म उजुरीको समय हुने एआइजीको बढुवाको मन्त्रिपरिषद्बाट हुने भएकाले बढुवा हुन ८/१० दिन लाग्ने छ । उनले १४ पुसमा उमेरहदका कारण अवकाश पाउनेछन् ।
प्रकाशित मिति: शुक्रबार, मंसिर २८, २०८१ २१:३१
प्रतिक्रिया दिनुहोस्
