काठमाडौं– प्लेअफका लागि संघर्ष गरेको पोखरा एभेन्जर्सले काठमान्डु गुर्खाजसँग निमठो पराजय चाखेको छ।
शनिबार पहिलो पहिलो खेलको दोस्रो इनिङ्समा गुर्खाजले पाएको १३९ रनको लक्ष्य १४.१ ओभरमा चार विकेट गुमाएर भेटेको थियो।
गुर्खाजले ६ विकेटको जित निकाल्दा १४२ रन बनाएको थियो।
एनपीएलको २४औँ खेलमा पोखरा एभेन्जर्सले पहिलो ब्याटिङ गर्दै २० ओभरमा १३८ रनमा ८ विकेट गुमायो।
काठमाडौँ गुर्खाजका गेरहार्ड इरास्मसले विस्फोटक ब्याटिङ गर्दै मात्र १० बलमा २५ रन बनाए। उनले १ चौका र ३ छक्का प्रहार गरे। राशिद खानले १ बलमा १ रन बनाएर नट आउट रहे।
पोखरा एभेन्जर्सका बलर सागर ढकालले ४ ओभरमा ३७ रन खर्चिए तर विकेट लिन सकेनन्। अन्तिम ओभर बलिङ गर्न आएका दिनेश खरेलले मात्र १ बलमा ६ रन दिए र गुर्खाजले खेल आफ्नो पक्षमा बनायो।
प्रकाशित मिति: शनिबार, मंसिर २९, २०८१ १२:००
प्रतिक्रिया दिनुहोस्
