काठमाडौं – ओलम्पिक आठ सय मिटर दौडकी विश्व विजेता केली हडगिन्सनलाई बिबिसी स्पोर्ट्स पर्सानालिटी अफ द इयर २०२४ घोषित गरिएको छ। सन् २०२१ को टोकियो ओलम्पिक र लगातार दुई पटक विश्व च्याम्पियनसिपमा रजत पदक जितेपछि उनी यसै वर्ष पेरिसमा भएको ओलम्पिकमा भने स्वर्ण पदक जित्न सफल भएकी हुन्।
रोममा भएको प्रतियोगिता जितेर युरोपियन च्याम्पियनको उपाधि जोगाएकी उनले यसै वर्ष लन्डनमा भएको डायमन्ड लिगको उपाधि जित्ने क्रममा समयमा समेत सुधार गरेकी थिइन्।
पुरुषतर्फ स्पोर्ट्स स्टार द इयर स्विडेनका अर्मान्ड डु प्लान्टिसले जितेका छन्। संसारको इतिहासमा सबै भन्दा सफल पोलभोल्टर उनले यस वर्ष पनि आफ्नै नाममा भएको कीर्तिमान भङ्ग गरे।
पेरिस ओलम्पिकमा स्वर्ण पदक जित्दै उनी सन् १९५० पछि ओलम्पिक पोल भोल्टको उपाधि जोगाउने पहिलो खेलाडी बनेका थिए। त्यसक्रममा उनले ओलम्पिक तथा विश्व कीर्तिमान भङ्ग गरे। उनले खेल जीवनमा नवौँ पटक विश्व कीर्तिमान भङ्ग गरेको थिए। त्यस वर्षको भने सो दोस्रो विश्व कीर्तिमान थियो
अगस्टमा सिलेसामा भएको डायमन्ड लिगमा उनी अर्को विश्व कीर्तिमान कायम गर्न सफल भए। यस वर्ष नै उनले तेस्रो पटक विश्व कीर्तिमान पनि भङ्ग गरी सकेका छन्। सो अवार्डमा अमेरिकी जिम्न्यास्ट सिमोन वाइल्स, बास्केटबल खेलाडी काइटिन क्लार्क हिव्ल चियरका काथराइन डेक रनर, डच धाविका, सिफाना हसन र फ्रान्सेली पौडीबाज लियोन मार्चान्ड पनि नोमिनेसनमा परेका थिए।
