Nic Ad Nic Ad
Nic Ad Nic Ad

सुदूरपश्चिम रोयल्सले पायो १४० को टार्गेट, जनकपुरको ब्याटिङ राम्रो चलेन

बुधबार, पुस ३, २०८१

काठमाडौं - जनकपुर बोल्ट्सले नेपाल प्रिमियर लिग (एनपिएल)को फाइनलमा पुग्न सुदूरपश्चिम रोयल्सलाई एक सय ४० रनको लक्ष्य दिएको छ । 

बुधबार कीर्तिपुरस्थित त्रिवि मैदानमा १० हजारमाथि समर्थकमाझ टस जितेर ब्याटिङ गरेको जनकपुरले ८ विकेट गुमाउँदै एक सय १३९ रन बनायो । 

न्युजिल्यान्डका अनुभवी ब्याटर जेम्स निसमले २३ बलमा समान तीन चौका र छक्कासहित सर्वाधिक ४५ रन बनाए । रन आउट भएका शुभ शंकरले २६, हर्ष ठाकर र लाहिरु मिलान्थाले समान १२, कप्तान आसिफ शेख र अरनिको यादवले समान ११ रनको योगदान गरे । 

सुदुरपश्चिमका कप्तान दीपेन्द्रसिंह ऐरीले तीन तथा सैफ जैवले दुई विेकट लिएका हुन् । स्कट कुगुलेइन र अभिनाश बोहराले एक विकेट हात पारे । 

आज नै भएको इलिमिनेटरमा खेलमा चितवन राइनोजलाई हराउँदै कर्णाली याक्स क्वालिफायर २ मा प्रवेश गरेको छ । यो खेल बिहीबार हुनेछ । 

यसअघि लिग चरणमा सुदूरपश्चिम पहिलो र जनकपुर दोस्रो हुँदै पहिलो क्वालिफायरमा प्रवेश गरेका थिए ।

प्रकाशित मिति: बुधबार, पुस ३, २०८१  १४:४८
प्रतिक्रिया दिनुहोस्
सिएन विशेष
विचार