काठमाडौं– कर्णाली याक्सलाई स्तब्ध बनाउँदै जनकपुर पोल्ट्स जारी नेपाल प्रिमियर लिग (एनपीएल)को फाइनल छिरेको छ। अब उसले फाइनलमा सुदूरपश्चिम रोयल्ससँग भिड्नेछ, शनिबार। 

कर्णालीलाई जनकपुरले २ विकेटले जितेको हो। ११९ को लक्ष्य पछ्याएको जनकपुरले १९ ओभरमा नै पूरा गरेको थियो।  यसअघि निर्धारित २० ओभरमा कर्णालीले ११८ रन मात्र बनाएको थियो। 

जनकपुरका लागि १६ बलमा ४५  रन बनाएर जिम्मी निशमले खेललाई आफ्नो पक्षमा बनाए।

कर्णालीले आफ्नो इनिङ्समा राम्रो सुरुवात गर्न नसके पनि टिमले प्रतिस्पर्धात्मक स्कोर खडा गर्न सफल भयो। बलरहरूले उत्कृष्ट प्रदर्शन गरे पनि ब्याट्सम्यानहरू बीच ठूलो साझेदारीको कमीले टिमलाई चुनौतीपूर्ण स्कोर बनाउन अप्ठ्यारो भयो।

कर्णालीका बलरहरूले जनकपुरलाई दबाबमा राखे। तर, अन्तिम ओभरमा मयान यादवको १८ बलमा १४ रनको संयमित इनिङ्सले टिमलाई जित दिलायो।