सिन्धुपाल्चोक - आफ्नै बुबा ५० वर्षीय यदुबहादुर बस्नेतको हत्या गरेको अभियोगमा ३४ वर्षीय छोरा राजाराम बस्नेतलाई प्रहरीले पक्राउ गरेको छ ।
राजारामले शनिबार राति कुटपिट गर्दा यदु गम्भीर घाइते भएको थियो । सोही खबर प्राप्त हुनासाथ इलाका प्रहरी कार्यालय मेलम्चीबाट खटिएको प्रहरीले राजारामलाई पक्राउ गरेको हो ।
कुटपिटबाट गम्भीर घाइते भएका यदुको मेडिकल कलेज अत्तर खेलमा थप उपचारको क्रममा आइतबार दिउँसो मृत्यु भएको हो । राजाराममाथि कारबाही तथा आवश्यक अनुसन्धान गरिरहेको प्रहरीले जनाएको छ ।
प्रकाशित मिति: सोमबार, पुस ८, २०८१ १०:२४
प्रतिक्रिया दिनुहोस्
