काठमाडौं- रोटरी क्लब अफ पाटन हेरीटेज, रोटर्याक्ट क्लब अफ पाटन हेरीटेज, रोटर्याक्ट क्लब अफ काठमाडौं मिड-टाउन, रोटर्याक्ट क्लब अफ लिबर्टी कलेज, र रोटर्याक्ट क्लब अफ दरबारमार्गको संयुक्त आयोजनामा पाटन संग्रहालयमा कल्चरल कार्निभल २०२४ सम्पन्न भएको छ।
नेपालका विभिन्न जातजातिका कला, भेषभूषा, संस्कृति, र परम्परालाई नयाँ पुस्तासम्म पुर्याउन कार्यक्रमको आयोजना गरिएको हो । कार्यक्रमबाट संकलित रकम ग्रामीण क्षेत्रका महिला र बालबालिकालाई प्रविधिमा प्रोत्साहित गर्ने परियोजना प्रोजेक्ट छोरीमा खर्च गरिने जनाइएको छ।
कार्यक्रमको आरम्भ प्रश्नचिन्ह ब्यान्ड को सांगीतिक प्रस्तुतिबाट गरिएको थियो। त्यसपछि कथक नृत्य, कल्चरल र्याम्प वाक, र नेपालका विभिन्न जातजातिका परम्परागत नृत्यहरू, जस्तै मगर, तामाङ, राई, थारु लगायतका प्रस्तुति देखाइएका थिए।
कार्यक्रमको विशेष आकर्षण ूताशी स्योल्पाू नृत्य रह्यो, जसको सुरुवात सन् १६४५ मा ग्रेट फिफ्थ दलाइ लामाद्वारा गरिएको थियो।
कार्यक्रममा नेपाली चलचित्र कार्सांगूका अभिनेत्री दिया मास्के र सिर्जना निङ्लेकु विशेष अतिथिका रूपमा सहभागी थिए। ३०० भन्दा बढी दर्शकहरूले सांस्कृतिक प्रस्तुति र कार्यक्रममा सहभागी जनाए।
रोटरी क्लब अफ पाटन हेरीटेज र रोटर्याक्ट क्लब अफ पाटन हेरीटेजले आगामी दिनहरूमा पनि यस्ता कार्यक्रमहरूको आयोजना गर्दै सांस्कृतिक संरक्षण र सामाजिक सेवामा योगदान पुर्याउने प्रतिबद्धता व्यक्त गरेका छन्।
कार्यक्रम र प्रोजेक्ट छोरीका गतिविधिहरू क्लबका सामाजिक सञ्जालहरूमा अद्यावधिक गरिने जनाइएको छ।
