काठमाडौँ- त्रिवि क्रिकेट मैदानमा भर्खरै सम्पन्न भएको नेपाल प्रिमियर लिग (एनपीएल)का कारण भएको फोहोर सफा गर्न नेपाल क्रिकेट संघ (क्यान) लगायत सरोकारवालालाई बोलाएको छ ।
सोमबार त्रिविको केन्द्रीय क्याम्पस स्ववियुले सार्वजनिक सूचना निकालेर नेपाल क्रिकेट संघ (क्यान)लगायतका सरोकारवालालाई विश्वविद्यालय परिसरभित्रको फोहोर सफा गर्न अपिल गरेको हो ।
स्ववियु सभापति श्यामराज ओझाले सूचना जारी गर्दै भनेका छन्, ‘‘एनपीएल खेलकुदका कारण त्रिभुवन विश्वविद्यालय, कीर्तिपुरको परिसर वरिपरि असाध्यै फोहोर वातावरण सिर्जना भएकाले उक्त वातावरण सरसफाइ अभियानमा सहभागी भइ स्वच्छ, सफा, शान्त शैक्षिक वातावरण निर्माणका लागि अग्रसर भइदिनुहुन सम्पूर्ण विद्यार्थी, प्राध्यापक, कर्मचारी, स्थानीय जनसमुदाय, क्यान परिवार तथा सम्पूर्ण सरोकारवाला व्यक्तित्वहरूमा सार्वजनिक अपिल गर्दछौँ।’
प्रकाशित मिति: सोमबार, पुस ८, २०८१ २०:५२
प्रतिक्रिया दिनुहोस्
