काठमाडौँ- नेपालको अनलाइन पेमेन्ट गेटवे डिजिटल वालेट इसेवा डाउन भएको छ ।
क्रिसमसका अवसरमा भारतीय गायक सोनु निगम नेपाल आउने भएपछि इ-सेवामार्फत टिकट काट्ने व्यवस्था मिलाइएको थियो ।
निगमले २५ डिसेम्बरमा ह्यात ग्राउण्डमा लाइभ प्रस्तुति दिने कार्यक्रम छ । जसका लागि भारी संख्यामा दर्शकहरूले टिकट काटेपछि इसेवा डाउन भएको हो ।
हाल अनलाइन भुक्तानीमा समस्या आएको छ ।
यसबारेमा इ-सेवाले सूचना जारी गर्दै अस्थायी समयका लागि सेवाहरू अवरुद्ध भएको र आफ्नो प्राविधिक टोलीले समाधानका लागि प्रयास गरिरहेको जानकारी दिएको छ । त्यस्तै केही समय धैर्य रहन पनि कम्पनीले आग्रह गरेको छ ।
प्रकाशित मिति: सोमबार, पुस ८, २०८१ २२:००
प्रतिक्रिया दिनुहोस्
